بکری کی عمر ایک سال سے کم ہے اور یہ معلوم نہیں ہو سکتا ہے معلوم کرنا ممکن نہیں ہے تو کیا اس کی قربانی کرنا جائز ہے؟
بصورتِ مسئولہ جب بکرے کی عمر ایک سال سے کم ہے تو اگرچہ صحت مند، موٹا تازہ ہونے کی وجہ سے اس کا ایک سال سے کم ہونا معلوم نہیں ہوتا تب بھی اس کی قربانی جائز نہیں ہے، کیوں کہ بکرے کی قربانی صحیح ہونے کے لئے ایک سال کا ہونا شرط ہے۔
فتاوی عالمگیری (الفتاوى الهندية ) میں ہے:
"فلا تجوز الشاة والمعز إلا عن واحد، وإن كانت عظيمة سمينة تساوي شاتين مما يجوز أن يضحي بهما،"
(کتاب الاضحیۃ، الباب الرابع فيما يتعلق بالمكان والزمان، ج:5، ص:297، ط:مکتبہ رشیدیہ)
فقط واللہ اعلم
فتوی نمبر : 144210200066
دارالافتاء : جامعہ علوم اسلامیہ علامہ محمد یوسف بنوری ٹاؤن