سوال

  الینااور علینہ  میں کونسا نام رکھنا درست ہے؟

جواب

الینا ایک بے معنی لفظ ہے  ،لہذا یہ نام رکھنا درست نہیں ہے ۔

 علین عربی زبان کا لفظ ہےاور اردو میں   علینہ  اس کے مؤنث  کے طور پر بولا جاتا ہے، جس کا معنی ہے: واضح اور ظاہر۔لڑکی کے لیے یہ نام رکھنا درست ہے،ناموں کے سلسلے میں بہتر یہ ہے کہ  لڑکے  کا نام انبیاء کرام علیہم السلام یا صحابہ کرام رضی اللہ عنہم  کے ناموں میں سے  کسی نام پر رکھا جائے، یا اچھا بامعنی عربی نام رکھا جائے۔ لڑکی کا نام رکھنا ہو تو صحابیات مکرمات رضی اللہ عنہن یا نیک خواتین کے نام پر یا اچھے معنیٰ والا نام رکھا جائے۔

القاموس الوحید میں ہے :

"علن الأمر۔علوناً:نمایاں ہونا پھیلنا ،شائع ہونا (ضد خفی)

 (‌علن) الأمر ۔علنا وعلانية ‌علن فهو ‌علن وعلين."

(حرف عین ،ص 901،ط:ادارہ اسلامیات لاہور کراچی)

المعجم الوسيط  میں ہے:

"(‌علن)الأمر علونا شاع وظهر وخلاف خفي(‌علن) الأمر علنا وعلانية ‌علن فهو ‌علن وعلين."

(باب العین ،624/2،ط:دار الدعوة)

فتاوی شامی میں ہے: 

"التسمية باسم لم يذكره الله تعالى في عبادة ولا ذكره رسوله صلى الله عليه وسلم ولا يستعمله المسلمون تكلموا فيه، والأولى أن لا يفعل   «وكان رسول الله صلى الله عليه وسلم يغير الاسم القبيح إلى الحسن جاءه رجل يسمى أصرم فسماه زرعة وجاءه آخر اسمه المضطجع فسماه المنبعث، وكان لعمر رضي الله عنه بنت تسمى عاصية فسماها جميلة."

(‌‌كتاب الحظر والإباحة،‌‌باب الاستبراء وغيره، ‌‌فصل في البيع،418/6،ط سعید)

فقط واللہ اعلم