لڑکیوں کے لیے انوشے نام رکھ سکتے ہیں؟
’انوشے‘ نام کا مطلب نہیں مل سکا تاہم ’انوشہ‘ فارسی لفظ ہے اور اس کا ایک معنی خوشحال ہے، اس معنی کے اعتبار سے بچی کا نام انوشہ رکھنا درست ہے۔ البتہ بہتر یہ ہے کہ صحابیات میں سے کسی صحابیہ کا نام رکھا جائے ۔
لغاتِ فارسی میں ہے :
"انوشہ ؍ نوشہ : (ف) دولہا، داماد ۲۔ نوجوان بادشاہ۔ ۳۔ خوشحال، خرم ۴۔ شاباش، مرحبا ۵۔ شرابِ انگور"
(ص۷۲، دار عمر فاروق رضی اللہ عنہ حضرو)
فقط والله أعلم
فتوی نمبر : 144408101553
دارالافتاء : جامعہ علوم اسلامیہ علامہ محمد یوسف بنوری ٹاؤن