سوال

مسجد میں جن صاحب نےاذان دی وہی تکبیر دے  سکتا ہے ؟ بہتر طریقہ بتائیں ، دوسرا نمازی بھی  تکبیر کہہ سکتا ہے اور بہتر طریقہ کیا ہے ؟ 

جواب

جو شخص اذان دے اقامت کہنا بھی اسی کا حق ہے ، مؤذن کے موجود ہوتے ہوئے اس کی  اجازت کے بغیر کسی دوسرے شخص کا اقامت کہنا جب کہ اس سے مؤذن کو تکلیف ہوتی ہو مکروہ ہے،   لیکن  اگر کوئی دوسرا شخص مؤذن کی اجازت سے اقامت کہے، یا بغیر اجاز ت کے کہے،لیکن اس سے مؤذن کو تکلیف نہ ہو، یا   اذان دینے والا موجود نہ ہو تو  دوسرے شخص  کا اقامت کہنا بغیر کسی کراہت کے جائز ہے،افضل اور بہتر یہ ہے کہ جو اذن دے وہی اقامت کہے،البتہ مؤذن کی اجازت کے ساتھ دوسرا شخص بھی اذان دے سکتا ہے۔ 

فتاوی شامی میں ہے:

"(أقام غير من أذن بغيبته) أي المؤذن (لا يكره مطلقاً)، وإن بحضوره كره إن لحقه وحشة."

(کتاب الصلوۃ،باب الآذان، ج:1، ص:359، ط:سعید) 

فتاوی ہندیہ میں ہے: 

"‌والأفضل ‌أن ‌يكون المؤذن هو المقيم كذا في الكافي."

" وإن أذن رجل وأقام آخر إن غاب الأول جاز من غير كراهة وإن كان حاضرا ويلحقه الوحشة بإقامة غيره يكره وإن رضي به لا يكره عندنا. " 

(کتاب الصلوۃ، الباب الثانی فی الاذن، ج:1، ص:54، ط:دار الفکر بیروت) 

فقط واللہ اعلم