میں چاہتا ہوں کہ میں اپنے بیٹے کا نام ارمغان رکھوں ،اس کے کیا معنی ہیں اور یہ نام رکھنا کیسا ہے؟
"اَرْمُغَانْ" فارسی لفظ ہے، اس کے کئی معانی آتے ہیں، جیسے: تُحفہ، ہدیہ، سوغات، نذر، پیشکش، نئی چیز،انوکھی چیز، نادر چیز، ان معانوں کے اعتبار سے یہ نام رکھ سکتے ہیں۔
فرہنگ آصفیہ میں ہے :
’’اَرْمُغَانْ ف اسم مذکر۔ تُحفہ، ہدیہ، سوغات، نذر، پیشکش، نئی چیز،انوکھی چیز، نادر چیز۔ــ‘‘
(148/1، سنگ میل پبلیکیشنز، لاہور)
فیروز اللغات میں ہے :
’’ارمغان(اَر۔م۔غان)(ف۔ا۔مذ)تحفہ ۔ہدیہ ۔سوغات۔نذر۔پیشکش)(بضم ف بفتح ثالث دونوں صحیح ہیں)۔ـ‘‘
(ص:85ط:فیروز سنز لاہور)
فقط واللہ اعلم
فتوی نمبر : 144409100473
دارالافتاء : جامعہ علوم اسلامیہ علامہ محمد یوسف بنوری ٹاؤن