تلاوت قرآن پاک کے علاوہ آج کل کتاب پڑھنے کی روایت ختم ہو چکی ہے، سب جانتے ہیں موبائل فون ٹی وی چینل کا زمانہ ہے۔ ڈرامہ ارتغل غازی پر فتویٰ لگایا آپ نے، کوئی معقول وجہ بتائیں جسے ہم نہ دیکھیں، کیا صرف وقت گزارنے کے لیے دیکھ سکتے ہیں؟
مذکورہ ڈراما ہو یا کوئی اور ڈراما یا فلم، دیکھنا شرعاً جائز نہیں۔
عموماً ٹی وی پر آنے والے پروگرام موسیقی ناچ گانے، بد نگاہی کے اسباب سے خالی نہیں ہوتے، لہذا اس قسم کے پروگراموں کے دیکھنے کی ترغیب دینا (علاوہ جان دار کی تصویر دیکھنے دکھانے کے) اشاعتِ فاحش، و معاونت علی الاثم کے قبیل سے ہونے کی وجہ سے جائز نہیں، اگر ان امور سے خالی پروگرام ہو تو بھی جان دار کی تصویر پر مشتمل ہونے کی وجہ سے ان پروگرامز کو دیکھنا جائز نہیں ہے۔ فقط واللہ اعلم
مزید تفصیل یہاں دیکھیں :
فتوی نمبر : 144108201903
دارالافتاء : جامعہ علوم اسلامیہ علامہ محمد یوسف بنوری ٹاؤن