موسیٰ علیہ الصلاۃ والسلام کے پاس جو عصا تھا وہ کس چیزکا تھا مٹی کا لوہےکا پیتل کا یالکڑی کا؟
صورت مسئولہ میں حضرت موسیٰ علیہ الصلاۃ والسلام کے پاس جو عصا تھا وہ لکڑی کا تھا۔
حضرت مولانا مفتی محمد شفیع صاحب رحمۃ اللہ علیہ لکھتے ہیں:
’’اس سوال میں یہ حکمت بھی ہے کہ آگے اس عصا کو جو ان کے ہاتھ میں تھی ایک سانپ اور اژدھا بنانا تھا؛ اس لیے پہلے ان کو متنبہ کر لیا کہ دیکھ لوتمہارے ہاتھ میں کیا چیز ہے، جب انھوں نے دیکھ لیا کہ وہ لکڑی کا عصا ہے تو تب اس کو سانپ بنانے کا معجزہ ظاہر کیا گیا‘‘
(معارف القرآن، ج: ۶، صفحہ: ۷۳، ط: ادارۃ المعارف)
فقط واللہ اعلم
فتوی نمبر : 144507100230
دارالافتاء : جامعہ علوم اسلامیہ علامہ محمد یوسف بنوری ٹاؤن