آج کل لوگ بی فور یو گلوبل میں انویسٹمنٹ کرتے ہیں، شرعی اعتبار سے ہم اس میں انویسٹمنٹ کرسکتے ہیں کہ نہیں؟
بی فور یو گلوبل نامی ادارہ کے بارے حاصل شدہ معلومات کے مطابق مذکورہ ادارہ کرپٹو کرنسی میں ٹریڈنگ کرتا ہے، کرپٹو کرنسی چوں کہ اب تک حکومت کی جانب سے تسلیم شدہ کرنسی نہیں، جس کی وجہ سے اس کرنسی کے جائز یا نا جائز ہونے کے بارے میں تاحال توقف اختیار کیا گیا ہے، لہذا جب تک مذکورہ کرنسی کی حیثیت واضح نہ ہوجائے، اور مذکورہ ادارے میں سرمایہ کاری کی شرائط واضح نہ ہوجائیں اس وقت تک اس میں سرمایہ کاری سے اجتناب کیا جائے۔
کرپٹو کرنسی سے قطع نظر یہ بھی ملحوظ رہے کہ کرنسی کی خرید و فروخت کا نقد (ہاتھ در ہاتھ) ہونا اور جانبین سے مجلسِ عقد میں قبضہ پایا جانا بھی ضروری ہے، جس کا لحاظ کرنسی کی آن لائن خرید و فروخت میں رکھنا تقریباً معدوم ہے۔
مزید تفصیل کے لیے دیکھیے:
فقط واللہ اعلم
فتوی نمبر : 144201200173
دارالافتاء : جامعہ علوم اسلامیہ علامہ محمد یوسف بنوری ٹاؤن