میں اپنی بیٹی کا نام رکھنا چاہتا ہوں (ضحی )کیا یہ ٹھیک ہے؟
واضح رہے کہ عربی زبان مین دن چڑھنے کے وقت کو "ضحی" سے تعبیر کیا جاتا ہے، اسی طرح سورج کی روشنی، یا بات واضح ہونے کے معنی بھی آتے ہیں۔
بچوں کے نام رکھنے کے سلسلے میں بہتر یہ ہے کہ صحابیات رضوان اللہ علیہن یا تابعات رحمہن اللہ کے نام پر نام رکھا جائے یا کم از کم نیک خواتین اور اللہ تعالیٰ کی برگزیدہ خواتین کے نام پر نام رکھا جائے۔
"ضحی" نام بھی اگرچہ رکھ سکتے ہیں، تاہم صحابیات رضوان اللہ علیہن کے ناموں میں سے کسی نام کا انتخاب کرنا بہتر ہوگا۔
معجم الوسيطمیں ہے:
"الضُّحَى : ضَوُءُ الشمس. الضُّحَى ارتفاع النَّهار وامتداده. الضُّحَى وقت هذا الارتفاع أَو الامتداد. يقال: ما لكلامِهِ ضُحَّى: ما لَهُ بيانٌ". ( المعجم الوسيط : باب الضاد، (1 / 535) ط: دار الدعوة)
فقط واللہ اعلم
فتوی نمبر : 144405101805
دارالافتاء : جامعہ علوم اسلامیہ علامہ محمد یوسف بنوری ٹاؤن