سوال

میں نے اپنی لڑکی کا نام  نیمل (naimal) بنت ارشاد رکھا،کسی مولوی صاحب نے کہا کہ یہ ٹھیک نہیں ہے، آپ  وضاحت فرمادیں۔

جواب

"نیمل "(Naimal) کا لفظ اردو،عربی اور فارسی کسی لغت میں نہیں مل سکا،البتہ عربی میں "نمل"ـ(Namal)  کا لفظ بطورِ مصدر استعمال ہوتا ہے،جس کے متعدد معنی ہے:  کسی چیز یا جگہ کا چیونٹیوں والا ہونا،  چیونٹیوں کی کثرت ہونا،  پاؤں کا سن ہوجانا اور نتھنے میں ایسی گدگی کا احساس جیسے جسم پر چیونٹی چلنے سے گدگی سے ہوتی ہے، مذکورہ معانی کی وجہ سے "نمل" نام رکھنا مناسب نہیں ہے۔

قاموس الوحید میں ہے:

"نمِل المکانُ نمَلا: کسی جگہ کا بہت چیونٹیوں والی ہونا،یدُ فلان: ہاتھ سن ہو کر ڈھیلا ہوجانا۔"

(مادہ: نمل ،1711،ط: ادارۂ اسلامیات،لاہور)

فقط واللہ أعلم