بیٹی کے لیے دو سے تین نام بتا دیں!
بچیوں کے نام رکھنے کے متعلق بہتر صورت یہ ہے کہ ازواجِ مطہرات اور دیگر صحابیات رضی اللہ عنہن اور امت کی نیک خواتین کے نام پر نام رکھیں، صحابہ کرام رضی اللہ عنہم کی نسبت ہی کافی ہے۔ بصورتِ دیگر بامعنی اور اچھا نام رکھا جائے۔
چند اچھے نام پیش کیے جاتے ہیں:
"سائبہ": نبی کریم ﷺ کی باندی ہیں، صحابیہ ہیں۔
"سائحہ": روزہ رکھنے والی۔ یہ لفظ قرآن کریم میں بھی استعمال ہوا ہے۔ (دیکھئے: پارہ،۲۸۔سورۃ التحریم، آیت۔۵)
"سائدہ": بزرگی والی، بلند مرتبہ والی، عزت و شرافت والی، سردار
اس کے علاوہ بھی اوپر ذکر کردہ اصول کے تحت صحابیات کے ناموں سے یا کوئی اور اچھا بامعنی نام بھی رکھا جاسکتا ہے۔ فقط واللہ اعلم
فتوی نمبر : 144111200757
دارالافتاء : جامعہ علوم اسلامیہ علامہ محمد یوسف بنوری ٹاؤن