"وعن النعمان بن بشير أن أباه أتى به إلى رسول الله صلى الله عليه وسلم فقال: إني نحلت ابني هذا غلاماً، فقال: «أكل ولدك نحلت مثله؟» قال: لا قال: «فأرجعه» وفي رواية قال: «فاتقوا الله واعدلوا بين أولادكم»"  

(مشکاۃ المصابیح، کتاب الهبة، باب العطایا، ج:1، ص:261، ط:قدیمي کتب خانہ)

ترجمہ:"حضرت نعمان ابن بشیر  رضی اللہ عنہ سے روایت ہے کہ (ایک دن ) ان کے والد (حضرت بشیر رضی اللہ عنہ) انہیں رسول کریم صلی اللہ علیہ وسلم کی خدمت میں لائے اور عرض کیا کہ میں نے  اپنے اس بیٹے کو ایک غلام ہدیہ کیا ہے، آپ  صلی اللہ علیہ وسلم نے فرمایا : کیا آپ نے اپنے سب بیٹوں کو اسی طرح ایک ایک غلام دیا ہے؟، انہوں نے کہا :  ”نہیں “، آپ  صلی اللہ علیہ وسلم نے فرمایا: تو پھر (نعمان سے بھی ) اس غلام کو واپس لے لو۔ ایک اور روایت میں آتا ہے کہ  آپ  صلی اللہ علیہ وسلم نے فرمایا: اللہ تعالی سے ڈرو اور اپنی اولاد کے درمیان انصاف کرو۔"

مذکورہ تفصیل کی رو سے صورت مسئولہ میں آپ پر زندگی میں جائیداد تقسیم کرنا شرعا لازم نہیں ،البتہ اگر اپنی خوشی و رضامندی سےاپنی اولاد کے درمیان تقسیم کرنا چاہیں تو کرسکتے ہیں، تقسیم کرنے کا شرعی طریقہ یہ ہے کہ اپنی جائیداد میں سے اپنے لئے جتنا چاہے رکھ لے، تاکہ بوقت ضرورت کام آئے ، اس کے بعد باقی جائیداد اپنی تمام اولاد کے درمیان برابری کی بنیاد پر تقسیم کردے، یعنی جتنا بیٹے کو دے اتنا ہی بیٹی کو دے، البتہ کسی بیٹے کویا بیٹی کو کسی معقول وجہ کی بناء پر مثلاً اس کی کثرت شرافت ودینداری کے یا غریب ہونے کی بناء پر یا زیادہ خدمت گزرا ہونے کی بناء بنست اوروں کے کچھ زیادہ دینا چاہے تو دے سکتا ہے اور جس کو جو دے اس پر اسے قبضہ اور تصرف بھی دیدے، صرف نام کردینا کافی نہیں ہوگا۔

فتاویٰ عالمگیری (فتاویٰ ہندیہ) میں ہے:

"لو وهب شئیاً لأولادہ فی الصحة، وأراد تفضیل البعض علی البعض ، عن أبی حنیفة رحمہ اللّٰہ تعالی: لابأس بہ اذا کان التفضیل لزیادة فضل فی الدین ، وان کانا سواء، یکرہ، وروی المعلی عن أبی یوسف رحمہ اللّٰہ تعالی أنہ لابأس نہ اذا لم یقصد بہ الاضرار ، وان قصد بہ الاضرار ، سوی بینہم وہو المختار  ولو کانا لولد مشتغلاً بالعلم لا بالکسب ، فلا بأس بأن یفضلہ علی غیرہ".

(كتاب الهبة ، الباب السادس فى الهبة للصغير، ج:4، ص:391، ط: مكتبه رشيديه)

فقط واللہ اعلم