میرا نام آفتاب عالم ہے اللہ تعالیٰ نے اپنے فضل وکرم سے بیٹا عطا کیا ہے اس کا نام میں بدرِعالم رکھنا چاہ رہا تھا، لیکن ایک ساتھی نے کہا کہ بدر آفتاب رکھو دریافت یہ کرنا ہے کہ دونوں ناموں سے کون سا بہتر رہے گا ؟
"بدر" عربی زبان میں چودھویں رات کے چاند کو کہا جاتا ہے،لہذا بدر عالم نام رکھنا درست ہے، البتہ " بدر آفتاب" کی نحوی اعتبار سے ترکیب درست نہیں ہے کیونکہ اس کا مطلب ہوگا کہ سورج کا چاند، اور ظاہر ہے کہ یہ کوئی اچھا مطلب نہیں ، لہذا بدر آفتاب نام نہ رکھا جائے۔
فقط واللہ اعلم
فتوی نمبر : 144402100450
دارالافتاء : جامعہ علوم اسلامیہ علامہ محمد یوسف بنوری ٹاؤن