بیع المحاقلہ اور بیع المزابنہ سے کیا مراد ہے؟ بیع العلامہ سے کیا مراد ہے؟
بیع محاقلہ کا مطلب ہے کہ کھیت میں درختوں پر لگے ہوئے گندم کے خوشے، خشک گندم (درخت سے کاٹ کر جدا کی ہوئی گندم) کے عوض اس طرح فروخت کرنا کہ خشک گندم کا وزن تو معلوم ہو۔ مگر خوشے کی گندم کا وزن معلوم نہ ہو۔
بیع مزابنہ یہ ہے کہ خشک کھجوریں (درخت سے اتری ہوئی کھجوریں) تر کھجوروں کے عوض جو درخت پر لگی ہیں، اس طرح فروخت کرنا کہ خشک کھجوروں کا وزن تو معلوم ہو، مگر درخت پر لگی ہوئی تر کھجوروں کا وزن معلوم نہ ہو صرف اندازا ہو۔ (متفق علیہ)
بیع العلامہ کا مطلب ہے بائع کا کسی تجارتی علامت کے استعمال کا حق مشتری کو فروخت کردینا۔
(مسائل فقهية معاصرة تاليف : عارف علي عارف القره داغي، ص: ٣٩، دار الكتب العلمية، بيروت)
فقط واللہ اعلم
فتوی نمبر : 144107200370
دارالافتاء : جامعہ علوم اسلامیہ علامہ محمد یوسف بنوری ٹاؤن