بغیر کسٹم کی سیگریٹ، نسوار بیچنا کیسا ہے؟
ناجائز اشیاء کی اسمگلنگ ناجائز اورجائز کی جائز ہے، لیکن مفادِ عامہ کی خاطر اگر حکومتی سطح پر جائز اشیاء کی اسمگلنگ ممنوع ہو تو گریز کرناچاہیے؛ کیوں کہ قانون شکنی کی صورت میں مال اور عزت کا خطرہ رہتا ہے، البتہ جائز اشیاء کی اسمگلنگ سےجو نفع حاصل ہو گا وہ حلال ہو گا؛ لہذا بغیر کسٹم کی سیگریٹ، چھالیہ اور نسوار بیچنے کی آمدنی حلال ہے، البتہ اگر حلال اشیاء میں اس سے بہتر کوئی ایسا کاروبار میسر ہو جس میں قانون شکنی بھی نہ ہو تو وہ بہتر ہوگا۔ فقط واللہ اعلم
فتوی نمبر : 144202200377
دارالافتاء : جامعہ علوم اسلامیہ علامہ محمد یوسف بنوری ٹاؤن