میری بیوی انتقال کر گئی جس کے ورثاء میں سے ایک بیٹی ، والد ، والدہ، پانچ بھائی اور چار بہنیں ہیں، میراث کی تقسیم کیسی ہوگی ؟
میری بیوی کے انتقال کے بعد میری اکلوتی بیٹی کا بھی انتقال ہوگیا ہے، جس کی عمر ایک مہینہ تھی۔
صورتِ مسئولہ میں سائل کی بیوی کے ترکہ میں سے حقوقِ متقدمہ یعنی تجہیز و تکفین کا خرچہ نکالنے کے بعد اگر مرحومہ پر کسی کا قرضہ ہو تو اسے ادا کرنے کے بعد، اوراگر مرحومہ نے کوئی جائز وصیت کی ہو تو اسے باقی ترکہ کے ایک تہائی حصہ میں سے نافذ کرنے کے بعد باقی ترکہ منقولہ و غیرمنقولہ کو 13حصوں میں تقسیم کرکے8 حصےمرحومہ کے شوہر کو،2 حصے مرحومہ کے والد کو،اور 3حصے مرحومہ کی والدہ کو ملیں گے، جب کہ بھائی اور بہنیں محروم ہوں گے۔
میت:(بیوی)12(عول)13
شوہر | والد | والدہ | بیٹی | بھائی | بھائی | بھائی | بھائی | بھائی | بہن | بہن | بہن | بہن |
3 | 2 | 2 | 6 | محروم | ||||||||
- | - | - | فوت شدہ | - |
میت:(بیٹی)6
والد | نانی |
5 | 1 |
یعنی 100 روپے میں سے مرحومہ کے شوہر کو 61.53روپے، مرحومہ كے والد کو 15.38 روپے، اور مرحومہ کی والدہ کو23.07 روپے ملیں گے۔
فقط واللہ اعلم
فتوی نمبر : 144310100849
دارالافتاء : جامعہ علوم اسلامیہ علامہ محمد یوسف بنوری ٹاؤن