کیا رضاعی رشتہ کے لیے دودھ پینے یا پلانے کی مقدار یا تعداد بھی شرط ہے؟ یعنی کتنی دفعہ اور کتنا دودھ پیا؟
حرمتِ رضاعت کے ثبوت کے لیے مدتِ رضاعت میں صرف ایک مرتبہ ایک ہی قطرہ دودھ کا پینا یا پلانا بھی کافی ہے،کئی دفعہ پلانا یا کئی قطرے یا پی بھر کر دودھ پلانا ضروری نہیں۔
فتاوى هندية میں ہے:
’’قليل الرضاع وكثيره إذا حصل في مدة الرضاع تعلق به التحريم، كذا في الهداية. قال في الينابيع: والقليل مفسر بما يعلم أنه وصل إلى الجوف، كذا في السراج الوهاج.‘‘
( 1/ 342 ط: دار الکتب العلمیہ)
فقط واللہ اعلم
فتوی نمبر : 144307101565
دارالافتاء : جامعہ علوم اسلامیہ علامہ محمد یوسف بنوری ٹاؤن
