کیا دانتوں پر جو موٹی سی سفید تہہ جمی ہوئی ہوتی ہے اس کی موجودگی وضو یا غسل ہو جائے گا ؟
صورتِ مسئولہ میں عام طور پر دانتوں پر جو تہہ جم جاتی ہے،وہ وضو اور غسل کے صحیح ہونے سے مانع نہیں ہوتی،اس جمی ہوئی تہہ کے ہوتے ہوئے وضو اور غسل ہوجائے گا،البتہ مسواک کا اہتمام کرنا چاہیے ،اور دانتوں کی صفائی کا بھی اہتمام کرنا چاہیے۔
فتاوی شامی میں ہے:
"(و) لا يمنع (ما على ظفر صباغ و) لا (طعام بين أسنانه) أو في سنه المجوف به يفتى. وقيل إن صلبا منع، وهو الأصح....(قوله: به يفتى) صرح به في الخلاصة وقال: لأن الماء شيء لطيف يصل تحته غالبا."
(كتاب الطهارة،باب فرض الغسل، ج: 1، ص: 154، ط: سعيد)
فقط والله أعلم
فتوی نمبر : 144403101119
دارالافتاء : جامعہ علوم اسلامیہ علامہ محمد یوسف بنوری ٹاؤن