سوال

فقہ کی کتابوں میں چور کے ہاتھ کاٹنے کی مقدار احناف کے نزدیک دس درہم بیان کی گئی ہے،تو دس درہم فی الحال پاکستانی روپیہ کے حساب سے کتنی بنے گی؟

جواب

موجودہ اوزان کے حساب سے ایک درہم کی مقدار3.0618گرام  چاندی ہے ،اس حساب سے دس درہم کی مقدار 30.618گرام چاندی ہے۔

چاندی کی قیمت میں چوں کہ تفاوت ہوتا رہتا ہےاس لیے اس کی متعین قیمت نہیں بتائی جاسکتی؛لہٰذا جس دن  آپ کو قیمت معلوم کرنی ہو ،اس دن چاندی کےایک گرام کی قیمت معلوم کرکے30.618 میں ضرب دے دیا جائے تو دس درہم  کی قیمت معلوم ہوجائے گی۔مثلا آج بتاریخ 9مارچ 2022ء کراچی میں چاندی کی ایک گرام کی قیمت 145.493روپے ہے تواس کو 30.618میں ضرب دیا جائے تو دس درہم چاندی کی4454.704 قیمت بنتی ہے۔

فقط واللہ اعلم