سوال

ڈیجیٹل  کرنسی کے لیے مائننگ مشین لگانا کیسا  ہے؟  اس مشین کا کام ہوتا  ہے ڈیجیٹل کرنسی بنانا اور پھر اسے بیچنا اپنی مرضی کے مطابق مارکیٹ ریٹ کے حساب سے ، اس میں نقصان بھی  ہے،  اس میں مشین خراب ہوسکتی ہے، اور اس کی  چیزیں  بھی خراب ہوسکتی ہیں۔

جواب

’’ڈیجیٹل کرنسی ‘‘  میں حقیقی کرنسی کے بنیادی اوصاف اور شرائط  موجود نہیں ہیں، اس میں حقیقت میں کوئی مادی چیز نہیں ہوتی، اور  اس میں قبضہ بھی نہیں ہوتا،  صرف اکاؤنٹ  میں کچھ عدد آجاتے ہیں،اس لیے اس کی خریدوفروخت  جائز نہیں ہے، چوں کہ  بٹ کوائن کی مائیننگ اسی مقصد کے لیے جاتی ہے، اس لیے   اس کی مشین لگانا بھی درست نہیں ہوگا۔ فقط واللہ اعلم