سوال

اگر کمرےمیں کسی کی کوئی چیز کھانے کی موجود ہو یادیگراستعمال کی کوئی چیز  ہوتو اس کو اجازت کے بغیر استعمال کرنےکا کیا حکم ہے؟

جواب

کسی اور کی چیزاس کی اجازت کے بغیر استعمال کرنا جائز نہیں ہے، چاہے وہ کھانے کی ہو یا استعمال کی  ہو، لہذا صورتِ مسئولہ میں اگر دوسرے کی کوئی چیز بغیر اجازت کے استعمال کی ہے تو اصل مالک کو پوری تفصیل بتا کر معاف کرائے یا پھرمالک  کو اس کابدلہ   دےکرراضی کرے، ورنہ اللہ تعالیٰ کے حضور جواب دینا پڑے گا۔

فتاوی ٰشامی میں ہے:

"‌لا ‌يجوز ‌لأحد من المسلمين أخذ مال أحد بغير سبب شرعي."

(كتاب الحدود، ج: 4، ص: 61، ط: سعيد)

مجلۃ الاحکام العدلیۃ میں ہے:

"(المادة 96) : لا يجوز لأحد أن يتصرف في ملك الغير بلا إذنه."

(‌‌المقالة الثانية في بيان القواعد الكلية الفقهية، ص: 27، ط: دار الجیل)

فقط واللہ اعلم