سوال

میرے تایا نے میرے دادا مرحوم کا مکان فروخت کیا اور اس میں سے میرے والد مرحوم کا حصہ جو 25 لاکھ روپے بنتا ہے، ہمیں دے دیا ہے۔

اب ہمارا سوال یہ ہے کہ یہ 25 لاکھ روپےجو میرے والد کے ترکہ کا حصہ ہیں میری والدہ (بیوہ) میرے اور میری ایک بہن کے درمیان کس طرح تقسیم ہوں گے؟

جواب

صورتِ مسئولہ میں مرحوم  والد کے ترکہ کی تقسیم کا شرعی طریقہ یہ ہے کہ مرحوم کے حقوقِ متقدمہ، یعنی تجہیز و تکفین کا خرچہ  نکالنے کے بعد میت پر اگر کوئی قرضہ ہو تو اسےکل ترکے سے  نکالنے کے بعد، اور اگر میت نے کوئی جائز وصیت کی ہو تو اسے باقی مال کے ایک تہائی میں  نافذ کرنے کے بعد باقی کل ترکہ منقولہ وغیر منقولہ کو 24حصوں میں تقسیم کرکے بیوہ کو 3حصے ،بیٹے کو14 حصےاور بیٹی کو  7حصے ملیں گے۔

میت مرحوم (زوج)24/8

کل25 لاکھ روپے میں سے 312,500روپے بیوہ کو، 14,58,333.33 روپے مرحوم کے بیٹے کو اور 7,29,166.66 روپے مرحوم کی بیٹی کو ملیں گے۔

یعنی فیصد کے اعتبار سے 12.005 فیصد بیوہ کو، 58.333 فیصد مرحوم کے بیٹے کو   اور 29.167 فیصد مرحوم کی بیٹی کو ملیں گے۔

فقط واللہ اعلم