سوال

ہمارے گھر اور بیٹھک  کی  دیوار کے اندر بیری کا درخت ہے، اس کو ہم جانوروں کے کھانے کی ضرورت  کے لیے کاٹتے ہیں، اس دیوار کے اندر اور پودے بھی ہیں،  جس کو ہم پشتو میں "شوا " کہتے ہیں، اس کو یعنی "شوا " کے پودوں کو ہم نے خود کاشت  کیا ہے بازار سے  خرید کر ، اس کی لکڑی ہم جلانے  کے لیے استعمال کرتے ہیں، اس مذکورہ بیری اور شوا کے پودوں میں عشر ہے یا نہیں؟

جواب

 صورتِ  مسئولہ میں  بیری کے درخت اور "شوا"   کی پیدوارمیں عشر واجب نہیں ہے؛ کیوں کہ گھر  کے  درختوں اور پودوں کے پھل اور پیدوار میں عشر  واجب نہیں ہوتا۔

فتاوی شامی میں ہے:

"و خرج ثمرة شجر في دار رجل، و لو بستانًا في داره؛ لأنه تبع للدار كذا في الخانية ط عن القهستاني."

(رد المحتار حاشية الدر المختار، كتاب الزكاة، باب العشر (2/ 325)،ط. سعيد)

فتاوی عالمگیری میں ہے:

"و لو كان في دار رجل شجرة مثمرة لا عشر فيها، كذا في شرح المجمع لابن الملك."

(الفتاوى الهندية: كتاب الزكاة،الباب السادس في زكاة الزرع والثمار (1/ 186)،ط.رشيديه)

فقط، والله اعلم