سوال

 ایک بالغ لڑکااورایک بالغ لڑکی آپس میں اپنی رضامندی سے بغیرکسی کاغذی شواہدکے ایک قاضی اوردوگواہوں کی موجودگی میں گاڑی میں نکاح کرتےہیں ( یعنی ایجاب وقبول کرتےہیں ) توکیاان کانکاح درست ہے؟جب کہ گاڑی کھڑی تھی۔

جواب

واضح رہےکہ شرعی نقطۂ نظرسےنکاح صحیح ہونے کےلیےمجلس نکاح میں عاقدین (نکاح کرنے والے)اورقاضی (نکاح پڑھانے والا)کے علاوہ دومسلمان مردیاایک مسلمان مرد اور دو مسلمان عورتیں گواہ میں ہوناشرط ہے۔

            لہذاصورت مسئولہ میں جب دوگواہوں  کی موجودگی میں ایجاب وقبول ہوگیاتو شرعاً نکاح منعقدہوگیاہے ۔گاڑی میں نکاح ہونا نکاح منعقد ہونے میں مانع نہیں ہے، لہذانکاح درست نہ ہونے کی کوئی وجہ نہیں ہے۔

فتاوی شامی میں ہے:

"(و شرط سماع كل من العاقدين لفظ الآخر) ليتحقق رضاهما (و) شرط (حضور) شاهدين (حرين) أو حر و حرتين ( مكلفين سامعين قولهما معاً) علی الأصح.

(فاهمين ) أنه نكاح علی المذهب، بحر (مسلمين لنكاح مسلمة ولو فاسقين أو محدودين في قذف أو أعمين...''الخ."

 (كتاب النكاح۳/ ٢١،۲۲، ۲۳ط: سعيد)

فقط واللہ اعلم