غیر مسلموں کو ان کے تہوار کی مبارکباد دینا کیسا ہے؟
چوں کہ غیر مسلموں کے مذہبی تہوار مشرکانہ اعتقادات پرمبنی ہوتے ہیں اور ہر مسلمان پر اس کے مسلمان ہونے کی حیثیت سے شرک سے براءت، بے زاری اور بے تعلقی کا اظہارضرروی ہے۔ اور غیر مسلموں کے تہواروں پر ان کو مبارکباد دینا گویا ان کے نقطۂ نظر کی تائید ہے اور ان سے اظہارِ یکجہتی ہے، اس لیے غیر مسلموں کو ان کے تہواروں پر مبارکباد دینا جائز نہیں ہے، بلکہ اگر غیر مسلموں کو ان کے تہواروں کی مبارکباد دیتے وقت ان کی تعظیم و تکریم اور ان کے مذہبی تہواروں کی تحسین مقصود ہو تو کفر کا بھی اندیشہ ہے؛ لہٰذا اس سے اجتناب ضروری ہے۔ فقط واللہ اعلم
فتوی نمبر : 144204200413
دارالافتاء : جامعہ علوم اسلامیہ علامہ محمد یوسف بنوری ٹاؤن