سوال

میرا نام غوث بخش ہے،یہ نام میرے والدین نے رکھا ہے،اس وقت کاغذات،ڈومیسائل وغیرہ سب میں یہ نام ہے، جب کہ میرا عقیدہ ہے کہ اللہ تعالی کے علاوہ کوئی مدد کرنے والا نہیں ہے،کیا یہ  نام درست ہے؟

جواب

 مذکورہ نام سے شرک کے معنی کاوہم ہوتاہے،کیوں کہ "غوث بخش" کا معنی ہے"غوث کا بخشا ہوا"،لہذا یہ نام رکھنا جائز نہیں،سائل کوچاہیے کہ مذکورہ نام تبدیل کرکے اس کے بجائے انبیاءِ کرام علیہم السلام، صحابہ کرام رضی اللہ عنہم یا صلحاء کے ناموں میں سے کوئی نام رکھ لے جو افضل بھی ہے اور باعثِ برکت بھی ہے۔

مرقاۃ المفاتیح میں ہے:

"‌ولا ‌يجوز ‌نحو ‌عبد الحارث ولا عبد النبي، ولا عبرة بما شاع فيما بين الناس"

(باب الاسامی،الفصل الاول2997/7ط:دارالفکر)

فقط واللہ اعلم