غسل کرنے کے لیے جو وضو کرنا ہوتا ہے وہ کپڑے اتار کر کیا جائے یا کپڑے پہن کر?
حتی الامکان یہ کوشش کرنی چاہیے کہ وضو یا غسل کے دوران ستر کسی کپڑے وغیرہ سے چھپا رہے یا کم سے کم وقت کے لیے ستر کھولا جائے، البتہ اگر ایسی جگہ غسل کیا جارہا ہو جہاں پردے کا انتظام ہونے کی وجہ سے کسی کی نظر پڑنے کا امکان نہ ہو تو کپڑے اتار کر غسل یا وضو کرنا بھی جائز ہے، لیکن افضل یہی ہے کہ ستر ڈھکا رہے۔ فقط واللہ اعلم
فتوی نمبر : 144108200423
دارالافتاء : جامعہ علوم اسلامیہ علامہ محمد یوسف بنوری ٹاؤن