سوال

لڑکی کا نام حائرہ  /  ایلاف / ویام رکھنا درست ہے؟ صحیح تلفظ اور معنی میں رہنمائ فرمائیں!

جواب

1-   ’’حَائِرَہ ‘‘ کے معنی ہیں: حیران وسرگرداں، ایسی عورت جو  کبھی جوان نہ ہو، یا جس میں کوئی خیر نہ ہو۔  

یہ نام رکھنا درست نہیں ہے۔

"الحائرة من النساء و الشاء: التي لا تشب أبدًا و يقال: ما هو إلا حائرة من الحوائر أي لا خير فيه." (معجم متن اللغة) 

2-’’إِيْلَاف ‘‘  مصدر ہے، عَلَم (نام)  نہیں ہے، اس کا معنی ہے: مانوس ہونا ۔ 

یہ نام رکھا جاسکتاہے۔

3- وِیَام یا وِئَامکا معنی ہے: رہن سہن اور محبت میں ہم آہنگی اور موافقت، دوستی۔ 

یہ نام بھی رکھا جاسکتاہے۔

"وئام.  مص. واءم. ۱- موافقة في العشرة والود وغيرهما. ۲-  صداقة." (معجم الرائد)

فقط واللہ اعلم