میرے شوہر کا انتقال ہوگیا ہے، لیکن ان کی تدفین کے بعد مجھے معلوم ہوا کہ میں پیٹ سے ہوں پر ان کی زندگی میں اس کا علم ہمیں نہیں تھا تو میری عدت کیا ہوگی وضع حمل ہوگی یا کچھ اور ؟
صورت مسؤلہ میں جبکہ آپ کو حمل کا علم بعد میں ہوا کہ یہ حمل شوہر سے ہے تو اس صورت میں آپ کی عدت وضع حمل ہی ہے۔
فتاوی شامی میں ہے:
"(و) في حق (الحامل) مطلقا ولو أمة، أو كتابية، أو من زنا بأن تزوج حبلى من زنا ودخل بها ثم مات، أو طلقها تعتد بالوضع جواهر الفتاوى (وضع) جميع (حملها)۔"
(كتاب الطلاق، باب العدة: 3 /511، ط: سعید)
فقط و اللہ اعلم
فتوی نمبر : 144409100090
دارالافتاء : جامعہ علوم اسلامیہ علامہ محمد یوسف بنوری ٹاؤن