سوال

ہاتھ پر کھجلی ہوتی ہے جس کی وجہ سے پانی نکلتا ہے کیا اس سے وضو ٹوٹ جائے گا?

جواب

خارش (کھجلی)یا کسی زخم وغیرہ سے نکلنا والا پانی اگر اتنا نہیں ہے کہ اگر اسے چھوڑ دیا جائے تو وہ از خود بہہ جائے تو اس کے نکلنے سے وضو نہیں ٹوٹتا۔

البتہ اگر زخم یا خارش کی جگہ سے نکلنے والا پانی اتنا ہو کہ اگر اسے چھوڑ دیا جائے تو وہ بہہ جائے،  یا بار بار خارش کرنے یا کسی چیز سے صاف کرنے کی وجہ سے تھوڑا تھوڑا کرکے مجموعی طور پر اتنا نکل جائے کہ وہ اپنی جگہ سے بہنے کی صلاحیت رکھتا ہو تو وضو ٹوٹ جائے گا۔

 الدر المختار وحاشية ابن عابدين (رد المحتار) (1/ 140):
"(و) كل (ما ليس بحدث) أصلاً بقرينة زيادة الباء كقيء قليل ودم لو ترك لم يسل (ليس بنجس) عند الثاني، وهو الصحيح رفقًا بأصحاب القروح".  فقط والله أعلم