سوال

 حنین نام رکھنا کیسا ہے؟ اس کے آخِر میں اللہ کا نام لگا سکتے ہیں؟

جواب

حُنَین (ح کے پیش اور نون کے زبر کے ساتھ) مکہ اور طائف کے درمیان ایک وادی کا نام ہے، جہاں غزوہ حنین کا معرکہ پیش آیا تھا، اس کا ایک معنی ’’رحمت‘‘ کابھی ہے، نیز بعض صحابہ کرام کا بھی یہ نام رہا ہے، لہذا ’’حنین‘‘ نام رکھنا   صحیح اور باعثِ برکت ہے، اورحنین کے بعد بطور لاحقہ اللہ کا نام لگانا درست ہے۔

معجم البلدان میں ہے:

"حنين:
يجوز أن يكون تصغير الحنان، وهو الرحمة، تصغير ترخيم۔۔۔وهو اليوم الذي ذكره جل وعز في كتابه الكريم: وهو قريب من مكة، وقيل:
هو واد قبل الطائف، وقيل: واد بجنب ذي المجاز، وقال الواقدي: بينه وبين مكة ثلاث ليال."

(ج: 2، ص: 313، ط: دار صادر)

اسد الغابۃ فی معرفۃ الصحابۃ میں ہے :

"حنين مولى العباس بن عبد المطلب.

كان عبدا وخادما للنبي صلى الله عليه وسلم فوهبه لعمه العباس رضي الله عنه، فأعتقه، وهو جد إبراهيم بن عبد الله بن ‌حنين."

(حنين مولی العباس بن عبدالمطلب ، 2/ 91 ، رقم :1296،ط: دارالكتب العلمية)

فقط واللہ اعلم