کیا "احیاء العلوم" اور "غنیۃ الطالبین" میں جو وظائف لکھے ہیں وہ کر سکتے ہیں؟
’’احیاء العلوم‘‘ امام غزالی رحمہ اللہ کی لکھی ہوئی کتاب ہے اور ’’غنیۃ الطالبین‘‘ شیخ عبد القادر جیلانی رحمہ اللہ کی لکھی ہوئی کتاب ہے،ان کتب میں مذکورہ وظائف پڑھنے میں کوئی حرج نہیں ہے، البتہ قرآن و حدیث سے ثابت شدہ دعاؤں یا معمولات کے علاوہ کوئی بھی وظیفہ کسی صاحبِ طریقت و نسبت بزرگ کے مشورے اور اجازت سے ہی کیا جائے، جیسے امراض اور اس کے مطابق دوا کی تشخیص ہر شخص کا کام نہیں ہے، اسی طرح ہر وظیفہ ہر شخص کے پڑھنے یا کرنے کا نہیں ہوتا۔ فقط واللہ اعلم
فتوی نمبر : 144212200165
دارالافتاء : جامعہ علوم اسلامیہ علامہ محمد یوسف بنوری ٹاؤن