علیان بکسر العین سے ہو ، اس نام کا معنی کیا ہے؟
" علیان" کا صحیح تلفظ عین کے فتحہ کے ساتھ ''عَلْيان'':(Alyan) حَمدَان( Hamdaan ) کی طرح ہے جس کا معنی ہے: ''اعلیٰ '' یعنی بلند کے معنی میں ہے ، اور اس معنی کے اعتبار سے یہ نام درست ہے۔
تاہم "عِلیَان"عین کے کسرہ (زیر) کے ساتھ اس کا معنی ہے: لمبے جسم والا، پرانا، موٹے جسم والا، اور اس تلفظ کے اعتبار سے یہ نام درست ہی نہیں ہے۔
تاج العروس عن جوہرالقاموس میں ہے:
"والعِلْيانُ ، بالكسْر : الضَّخْمُ الطَّويلُ مِنَّا ومِن الإِبِلِ ، والأُنْثى بالهاءِ .
( و ) أَيْضاً : ( الطَّويلُ ) مِن الضِّباعِ . وقيلَ : بَعيرٌ عِلْيانُ : قدِيمٌ ضَخْمٌ . ورجُلٌ عِلْيانُ طَويلٌ جَسِيمٌ ، هكذا ضَبَطَه ابنُ سِيدَه والأزْهري بِكسْرِ العَيْن في الكُل."
(المادۃ:علوّ، ج:39، ص:86، ط:دارالهدایۃ)
فقط واللہ اعلم
فتوی نمبر : 144209201170
دارالافتاء : جامعہ علوم اسلامیہ علامہ محمد یوسف بنوری ٹاؤن