سوال

جمعہ کی نماز میں امام صاحب تین آیت پڑھنے کے بعد بھول گئے دو تین مرتبہ اٹکے کسی نے لقمہ دیا لیکن پھر بھی آیت  نہیں پڑھ سکے اور رکوع میں چلے گے سجدہ سہو بھی نہیں کیا کیا نماز ہو گئی اورکیا سجدہ سہو واجب تھا یا نہیں ؟

جواب

صورت مسئولہ میں جب  ا مام صاحب تین آیت صحیح پڑھنے کے بعد بھول گئےاوردو تین مرتبہ اٹکے کسی نے لقمہ دیا لیکن پھر بھی آگےآیت  نہیں پڑھ سکے اور رکوع میں چلے گئے اگرچہ سجدہ سہو نہیں کیا ،  نماز ہوگئی  ہے ،اس صورت میں  سجدہ سہوواجب بھی   نہیں تھا ، سجدہ سہو تب لازم آتا ہے جب نماز کا کوئی واجب  بھول کر چھوٹ جائے، یا بھول کر نماز کے فرض  یا واجب میں تاخیر ہوجائے،یا بھول کر واجب میں  تکرار ہوجائے وغیرہ۔

فتوی ہندیہ میں ہے :

"ولايجب السجود إلا بترك واجب أو تأخيره أو تأخير ركن أو تقديمه أو تكراره أو تغيير واجب بأن يجهر فيما يخافت، وفي الحقيقة وجوبه بشيء واحد وهو ترك الواجب، كذا في الكافي."

(كتاب الصلوة،الباب الثانی عشر فی سجود السھو،ج:1، ص:126،ط:رشیدیة)

فقط واللہ اعلم