الحمدللہ میرے ہاں بیٹا پیدا ہوا ہے۔ منگل کے دن صبح 9 بجے 29-12-2020 بمطابق 13 جمادی الاولی، عالم دین اور ڈاکٹر بنانے کا عزم ہے۔ اچھے اور اسلامی نام تجویز فرمائیں!
شریعتِ مطہرہ نے مسلمانوں کو اپنے بچوں کے اچھے نام رکھنے کا حکم دیا اور اس کو والدین پر اولاد کا حق قرار دیا، اور جن ناموں کے معنی اچھے نہیں ہیں ان کو رکھنے سے منع کیا، خود آپ ﷺ نے بہت سے بچوں کے ایسے نام جن کے معنی اچھے نہیں ہوتے ان کو تبدیل کرکے اچھے معنی والے نام رکھ دیے۔ نام کے اچھا اور بامعنی ہونے کا انسان کی شخصیت پر اثر پڑتا ہے، لہٰذا اولاد کے اچھے نام رکھنے چاہییں۔
نام رکھنے کا ادب یہ ہے کہ اس میں نیک لوگوں کی نسبت ملحوظ ہو، مثلاً انبیاءِ کرام علیہم السلام یا صحابہ کرام رضی اللہ عنہم یا نیک مسلمانوں کے نام پر ہو، یا وہ اچھا بامعنی لفظ ہو۔اچھے ناموں کے لیے درج ذیل لنک کو دیکھا جا سکتا ہے، نام کا ابتدائی حرف منتخب کرکے آپ یہاں اچھے نام دیکھ سکتے ہیں:
فقط واللہ اعلم
فتوی نمبر : 144205201110
دارالافتاء : جامعہ علوم اسلامیہ علامہ محمد یوسف بنوری ٹاؤن