میں ایک دن میں بہت زیادہ ذکر اذکار وظائف تلاوت وغیرہ کرتا ہوں، سر میں بہت زیادہ بوجھ ہوتا ہے، چکر بہت زیادہ آتے ہیں، میرا ایک ساتھی کہتا ہے کہ یہ زیادہ اذکار وغیرہ کی وجہ سے تکلیف ہوتی ہے، کیا یہ سچ ہے؟ اگر ہے تو کوئی مشورہ یا آسان سا علاج ہو؛ کیوں کہ سر پر بہت زیادہ بوجھ ہوتا ہے!
آپ صبح وشام کی مسنون دعائیں، تلاوت اور تین عمومی تسبیحات (تیسرا کلمہ، درود شریف اور استغفار سو سو مرتبہ)کرلیا کریں، اس کے علاوہ وظائف کسی صاحبِ نسبت بزرگ کے مشورے اور اجازت کے بغیر نہ کریں، عمومی اَحوال میں معمولات میں اعتدال رکھنا چاہیے، دین کی یہی تعلیم ہے۔
باقی سر پر تیل کی مالش کرلیا کریں،مغزیات استعمال کریں، اور کچھ چہل قدمی کی عادت اپنائیے۔ فقط واللہ اعلم
فتوی نمبر : 144107201314
دارالافتاء : جامعہ علوم اسلامیہ علامہ محمد یوسف بنوری ٹاؤن