کیا عدت وفات میں ہلکے رنگوں کےنئے کپڑے پہننا شرعی طور پر جائز ہے، جب کہ مقصد زینت کا حصول نہ ہو؟
واضح رہے کہ سوگ میں بنیادی طور پر ان امور کو ترک کرناہوتا ہےجن کا تعلق زیب وزینت سے ہو،لہذا جو چیز شرعاً یا عرفا ًزینت شمار ہوتو عدت کے دوران معتدہ عورت کو اس سے اجتناب کرنا چاہیے ؛ چوں کہ عرف میں ہلکے رنگ کے نئے کپڑےپہننا زیب وزینت کے زمرے میں داخل نہیں ، لہٰذابیوہ کے لیے عدت کے دوران ہلکے رنگ کے معمولی درجے کے نئے کپڑے پہننے کی گنجائش ہے۔
"والحداد: الاجتناب عن الطيب والدهن والكحل والحناء والخضاب ولبس المطيب والمعصفر والثوب الأحمر......قال شمس الأئمة المراد من الثياب المذكورة ما كان جديدا منها تقع به الزينة، أما إذا كان خلقا لا تقع به الزينة فلا بأس به كذا في المحيط".
(الفتاوى الهندية: كتاب الطلاق، الباب الرابع عشر في الحداد 1/ 533، ط. رشيديه)
فقط والله أعلم
فتوی نمبر : 144408100231
دارالافتاء : جامعہ علوم اسلامیہ علامہ محمد یوسف بنوری ٹاؤن