کیا معتکف پانی کے لیے موٹر آن آف کر سکتا ہے؟
اگرمعتکف کو پانی کی ضروت ہے اور مسجد میں پانی ختم ہوگیا ہے جب کہ مسجد میں خادم،مؤذن یا کوئی غیر معتکف شخص بھی موجود نہیں ہے تو اس صورت میں معتکف کے لیے موٹر چلانے کےلیے مسجد کی حدود سے نکل کر موٹر آن کرنے کی اجازت ہے بشرط یہ ہے کہ درمیان میں کہیں بلا ضرورت نہ ٹھہرے۔البتہ موٹر بند کرنے کے لیے معتکف کا مسجد کی حدود سے نکلنا جائز نہیں ہے۔
البحر الرائق شرح کنز الدقائق میں ہے:
"(قوله: ولا يخرج منه إلا لحاجة شرعية كالجمعة أو طبيعية كالبول والغائط) أي لا يخرج المعتكف اعتكافا واجبا من مسجده إلا لضرورة مطلقة لحديث عائشة «كان - عليه السلام - لا يخرج من معتكفه إلا لحاجة الإنسان» ولأنه معلوم وقوعها ولا بد من الخروج في بعضها فيصير الخروج لها مستثنى ولا يمكث بعد فراغه من الطهور؛ لأن ما ثبت بالضرورة يتقدر بقدرها."
(کتاب الصوم،باب الاعتکاف،ج2،ص325،ط؛دار الکتاب الاسلامی)
فقط واللہ اعلم
فتوی نمبر : 144309101344
دارالافتاء : جامعہ علوم اسلامیہ علامہ محمد یوسف بنوری ٹاؤن