سوال

مغرب کی آخری رکعت میں امام کو شک ہوا کہ شاید دوسری ہے اس نے اللہ اکبر کہا تو لوگوں نے لقمہ دیا تو امام بیٹھا ہی رہا کھڑا نہیں ہوا پھر درود ابراہیمی اور دعا پڑھ کر سلام پھیر دیا تو کیا نماز ہو گئی؟سجدہ سہو تھا کہ نہیں؟

جواب

صورتِ  مسئولہ میں اما م کو مغرب کی آخری رکعت  میں  (یعنی تیسری رکعت  کے سلام کے بعد)  شک ہوا  اور امام نے التحیات پڑھنے کے بعد "اللہ اکبر"  کہا تو لوگوں نے  لقمہ دیا اور امام کھڑا نہیں ہوا بیٹھا ہی رہا  پھر درود ابراہیمی اور دعا پڑھ کر سلام پھیر دیا تو  اس سے سجدہ سہو واجب نہیں ہوا،  نماز ہو گئی ہے ۔

فتاوی ہندیہ میں ہے ۔

"و لايجب السجود إلا بترك واجب أو تأخيره أو تأخير ركن أو تقديمه أو تكراره أو تغيير واجب بأن يجهر فيما يخافت وفي الحقيقة وجوبه بشيء واحد وهو ترك الواجب، كذا في الكافي."

( کتاب الصلاۃ الباب الثانی عشر فی سجود السہو جلد 1 / 126 / ط : دار الفکر )

فقط واللہ اعلم