میں نے اپنی بیوی کی سہیلی سے کہا کہ میں نے اپنی بیوی کو طلاق دے دی ،اس کے بارے میں کیا حکم ہے ؟
صورتِ مسئولہ میں جب سائل نے اپنی بیوی کی سہیلی سے یہ کہا کہ"میں نے اپنی بیوی کو طلاق دے دی، "تو اس سے سائل کی بیوی پر ایک طلاقِ رجعی واقع ہوگئی تھی،سائل کو عدت (تین ماہواریاں اگر حمل نہ ہو ،اور اگر حمل ہو تو بچے کی پیدائش تک )کے اندر رجوع کرنے کا حق حاصل ہے، اگر عدت گزر گئی ہوتو میاں بیوی کا نکاح ختم ہوچکا ہے اورعورت نکاح سے آزاد ہوچکی ہے، اگرمیاں بیوی راضی ہیں تو گواہوں کی موجودگی میں نئے مہر کے ساتھ تجدید ِ نکاح ہوسکتی ہے ، آئندہ شوہر کو صرف دو طلاق دینے کااختیار ہوگا۔
رد المختار میں ہے:
"ولو أقر بالطلاق کاذبا أو ھازلا وقع قضاء۔"
(کتاب الطلاق،مطلب فی المسائل التی تصح مع الاکراہ ،236/3 ،ط:ایچ ایم سعید)
فقط و اللہ اعلم
فتوی نمبر : 144307102186
دارالافتاء : جامعہ علوم اسلامیہ علامہ محمد یوسف بنوری ٹاؤن