مماتی اور کیپٹن مسعود عثمانی فرقہ قبر کے عذاب کو نہیں مانتے، اور حضرت محمد صلی اللہ علیہ وسلم کی برزخی حیات کو نہیں مانتے، باقی فرقہ کو مسلمان نہیں مانتے مشرک کہتے ہیں، سلام کا جواب نہیں دیتے ،جنازہ نہیں پڑھتے۔ ہمارا ان کے بارے کیا نظریہ ہونا چاہیے؟
کیپٹن مسعود عثمانی اور ان کی جماعت فرقہ باطلہ اور ضالہ میں سے ہیں، یہ لوگ کم فہم یا بد فہم ہیں، اور اہلِ سنت والجماعت سے خارج ہیں، اس فتنے کابھی اہل علم نے بھرپور طریقہ سے رد کیا ہے،ہماری جامعہ سے متعدد سوالات کے جوابات میں متعدد فتاوی جاری ہوچکے ہیں، اور اصولی طور پر ان کے غلط نظریات کا جواب دیا جاچکا ہے۔ (تفصیل کے لیے تجلیات صفدر (5/613) میں "جماعت المسلمین کی حقیقت" نامی رسالہ ملاحظہ فرمائیں)۔ فقط واللہ اعلم
مماتیوں سے متعلق تفصیل کے لیے درج ذیل لنک پر فتاویٰ ملاحظہ کیجیے:
حیات النبی صلی اللہ علیہ وسلم اور حیات انبیاء علیہم السلام سے متعلق اہل سنت والجماعت کا عقیدہ
فتوی نمبر : 144309100653
دارالافتاء : جامعہ علوم اسلامیہ علامہ محمد یوسف بنوری ٹاؤن
