مسجد کے بیسمنٹ میں اعتکاف جائز ہے یا نہیں؟نیز بیسمنٹ سے اوپر چھت تک جانے کے لیے دو راستے ہیں ایک مسجد سے باہر وضوخانوں کی طرف سے جبکہ دوسرا راستہ مسجد کے اندر،وضوخانوں والا راستہ اختیار کرنےکی صورت میں اعتکاف کا حکم بیان کریں؟
صورتِ مسئولہ میں مسجد کاتہ خانہ اگر مسجد کی حدود ہی کے اندر ہو، مسجد کا ہی حصہ ہو تو اس میں اعتکاف کرنا درست ہے،البتہ مسجد سے باہر وضو خانوں کی سیڑھیوں کے ذریعہ اعتکاف کی حالت میں مسجد کے تہ خانہ سے مسجد میں جانےسے اعتکاف فاسد ہوجائے گا ۔اس لیے آمدورفت کے لیے مسجد کے اندر والی سیڑھیاں ہی استعمال کی جائیں۔
فتاوی ہندیہ میں ہے:
"و منها مسجد الجماعة فيصح في كل مسجد له أذان، و إقامة هو الصحيح كذا في الخلاصة. و أفضل الاعتكاف ما كان في المسجد الحرام ثم في مسجد النبي عليه الصلاة والسلام ثم في بيت المقدس ثم في الجامع ثم فيما كان أهله أكثر، وأوفر، كذا في التبيين."
(كتاب الصوم، الباب السابع في الإعتكاف، 211/1 ،ط: رشيدية)
فتاوی ہندیہ میں ہے:
"وإن خرج من غير عذر ساعة فسد اعتكافه في قول أبي حنيفة رحمه الله تعالى، كذا في المحيط. سواء كان الخروج عامدًا أو ناسيًا، هكذا في فتاوى قاضي خان."
(كتاب الصوم، الباب السابع في الإعتكاف، 212/1،ط: رشيدية)
فقط والله أعلم
فتوی نمبر : 144309100533
دارالافتاء : جامعہ علوم اسلامیہ علامہ محمد یوسف بنوری ٹاؤن