سوال

عرض ہےکہ کسی ضرورت پڑنے  پر میں نے اللہ تعالی سے کہا تھا کہ میرا فلاں کام ہو جائے تو میں مسجد میں 500 روپیہ دوں گا۔ الحمد للہ کام ٹھیک اسی طرح ہو گیا ۔500 روپے کا میں ذمہ دار ہوگیا، اب مجھے ایک ایسی غریب خاتون مل گئی جس کے پاس پہننے کو کپڑے نہیں تھے ،تو میں نے ان کو کپڑے دے دیے۔ کیاکپڑے دینے سے جو مسجد میں دینے تھے وہ قرضہ اتر گیا؟ یا نہیں؟ 

جواب

صورتِ  مسئولہ میں جب سائل نے یہ نذر مانی تھی کہ فلاں کام ہوگیا تو مسجد میں 500 روپے دے گا، اور پھر وہ کام ہوگیا ہے تو اب مسجد میں ہی 500 روپے دینے لازم ہیں۔ غریب عورت کو کپڑے دینے سے نذر ادا نہیں ہوگی۔

بدائع الصنائع في ترتيب الشرائع میں ہے:

"أَمَّا أَصْلُ الْحُكْمِ فَالنَّاذِرُ لَايَخْلُو مِنْ أَنْ يَكُونَ نَذَرَ وَسَمَّى، أَوْ نَذَرَ وَلَمْ يُسَمِّ، فَإِنْ نَذَرَ وَسَمَّى فَحُكْمُهُ وُجُوبُ الْوَفَاءِ بِمَا سَمَّى، بِالْكِتَابِ الْعَزِيزِ وَالسُّنَّةِ وَالْإِجْمَاعِ وَالْمَعْقُولِ .

( أَمَّا ) الْكِتَابُ الْكَرِيمِ فَقَوْلُهُ - عَزَّ شَأْنُهُ - { وَلْيُوفُوا نُذُورَهُمْ }.....

(كتاب النذر، فصل في حكم النذر، ج:6، ص:343/48، ط:دارالحديث، القاهرة)

فقط واللہ اعلم