میرے ایک رشتہ دار کا انتقال ہو گیا۔ ان کی ایک بیوہ، 2 بیٹے اور ایک بیٹی ہے۔ ان میں سے ہر ایک کا اس کی جائیداد میں کیا حصہ ہوگا۔
صورت مسؤلہ میں اگر کوئی اور وارث نہ ہو تو مرحوم کے موجودہ ترکے میں سے سب سے پہلے تجہیز وتکفین کا خرچہ نکالنے کے بعد، میت کے ذمے قرض ہوں تو ان کی ادائیگی کے بعد، مرحوم نے کوئی وصیت کی ہو تو کل مال کے تہائی حصہ میں سے وصیت کو نافذ کرنے کے بعدکل ترکہ میں سے 5حصےبیوہ کو،14،14 حصے ہر ایک بیٹے کو، اور 7 حصے بیٹی کو ملیں گے،یعنی کل ترکہ میں سے 12.5فیصد بیوہ کو،35 فیصد ہر ایک بیٹے کو، اور17.5 فیصد حصہ بیٹی کو ملے گا۔
صورت تقسیم یہ ہے:
میت: 40/8
بیوہ | بیٹا | بیٹا | بیٹی |
1 | 7 | ||
5 | 14 | 14 | 7 |
فقط واللہ اعلم
فتوی نمبر : 144310100648
دارالافتاء : جامعہ علوم اسلامیہ علامہ محمد یوسف بنوری ٹاؤن