میں اپنے بیٹے کا نام "محمد وجدان مصطفی" رکھنا چاہتا ہوں۔ آپ کی تجویز اور رہنمائی چاہیے کہ کیا یہ نام میں منتخب کر سکتا ہوں۔
"وِجْدَان" کے معنی محسوس کرنے اور شعور کے آتے ہیں۔
"محمد"کے معنی ہیں "جس کی بار بار تعریف کی جائے" اور محمد حضور صلی اللہ علیہ وسلم کاذاتی نام ہے اورلفظ" محمد "ناموں کی ابتداء میں برکت کے لیے لگایا جاتا ہے۔
"مصطفی "کے معنی ہیں چنا ہوا اور حضور صلی اللہ وعلیہ وسلم کا صفاتی نام ہے۔
لہذا محمد وجدان مصطفی نام رکھنا درست ہے۔
معجم الوسيط میں ہے:
"الوِجْدَانُ :
"الوِجْدَانُ الوِجْدَانُ (في الفلسفة) : يُطلَقُ أَوّلاً: على كلِّ إِحساس أَوَّلِيٍّ باللَّذَّة أَو الأَلم. وثانيًا: على ضَرْبٍ من الحالات النفسيَّة من حيثُ تأَثُّرُها باللَّذَّة أَو الأَلم في مقابل حالاتٍ أخرى تمتاز بالإدراك والمعرفة."
(ج نمبر ۲ ص نمبر ۱۰۱۳،دار الدعوۃ)
القاموس الوحیدمیں ہے:
"حمّد (فلانا): بار بار تعریف کرنا۔"
(ص نمبر ۳۷۳،ادارۃ الاسلامیات)
"اصطفاہ: منتخب کرنا"
(ص نمبر ۹۳۱، ادارۃ الاسلامیات)
فقط واللہ اعلم
فتوی نمبر : 144404101922
دارالافتاء : جامعہ علوم اسلامیہ علامہ محمد یوسف بنوری ٹاؤن