افطار اور سحری کھلانے کاثواب ہے، اگر تین شخصوں نے تین چیزیں افطاری میں دیں ( کھجور،گوشت اور پھل) تو کیا روزے دار جس چیز سے روزہ کھولے گا صرف اسی چیز دینے والے کو ثواب ملےگا یا تینوں کو برابر ثواب ملےگا؟
روزہ دار کو افطار کے لیے مختلف افراد نے جو کچھ دیا اس کا ثواب سب کو اپنی دی ہوئی چیز کی نوعیت اور نیت کے مطابق ملے گا، صرف پہلے لقمے پر افطاری کے ثواب کا دار و مدار نہیں ہے۔
سنن ترمذی میں ہے:
" عن زيد بن خالد الجهني قال: قال رسول الله صلى الله عليه وسلم: من فطر صائما كان له مثل أجره، غير أنه لا ينقص من أجر الصائم شيئا. هذا حديث حسن صحيح."
(أبواب الصوم، باب ما جاء في فضل من فطر صائما،1/ 166 ،ط: قدیمی)
فقط والله اعلم
فتوی نمبر : 144309100828
دارالافتاء : جامعہ علوم اسلامیہ علامہ محمد یوسف بنوری ٹاؤن