سوال

نسوار کا استعمال کیسا ہے؟

جواب

نسوار  چوں کہ تمباکو اور چونا وغیرہ سے بنتی ہے؛ لہٰذا اس کا استعمال تمباکو  کی طرح فی نفسہٖ مباح اور جائز ہے، البتہ نسوار کی بدبو سے (خاص کر مسجد میں) نمازیوں اور فرشتوں کو تکلیف ہوتی ہے؛ اس لیے نماز سے پہلے منہ اچھی طرح صاف کرنا چاہیے، اور  عام حالت میں بھی اس کا ترک کرنا ہی بہتر ہے۔

فتاوی شامی میں ہے:

"فإنه لم يثبت إسكاره ولا تفتيره ولا إضراره بل ثبت له منافع، فهو داخل تحت قاعدة الأصل في الأشياء الإباحة وأن فرض إضراره للبعض لايلزم منه تحريمه على كل أحد".

 (کتاب الأشربة،ج6، ص: 459، ط: دار الفکر)

فتاوی محمودیہ میں ہے:

”جواب:جس تمباکو سے نشہ ہوتاہے اس کاکھانا(پان میں ہویااور طرح سے)پینا(حقہ،بیڑی،سگریٹ کسی طرح ہو)ناجائز ہے،نسوار سے اگر نشہ ہوتاہو تووہ بھی ناجائز ہے،ورنہ مضائقہ نہیں۔“

(باب شرب الدخان واستعمال النورۃ وغیرہا، تمباکو پان سگریٹ اور نسوار کاحکم، ج:18،ص: 388،ط: ادارۃ الفاروق)

فقط واللہ اعلم