سوال

نو مسلم کو کلمہ پڑھانے سے پہلے کلمہ پڑھنے والے کو غسل کرانا ضروری ہے؟

جواب

واضح رہے کہ غیر مسلم کو مسلمان کرتے وقت غسل کروانا ضروری نہیں ہے، بلکہ اس کو اسی وقت کلمۂ شہادت پڑھا کر اور تمام باطل ادیان سے براءت کرواکر مسلمان کر دینا چاہیے۔ اس کے بعد اس کو طہارت و غسل، نماز وغیرہ کے ضروری اَحکام سکھانے چاہییں، اور اگر وہ ناپاکی کی حالت میں ہو تو اسے غسل بھی کروانا چاہیے۔ فقط واللہ اعلم