آج کل ایک موبائل ایپ ’’ اکٹا فکس‘‘کے ذریعے تجارت کرکے پیسا کمایا جاتا ہے۔ کیا اس کے ذریعے پیسا کمانا حرام تو نہیں ہے؟
مذکورہ ’’اکٹا فکس‘‘ (octaFX) نامی ایپ میں سرمایہ کاری کرنے اور نفع کمانے کا مکمل طریقہ کار ہمارے علم میں نہیں ہے، البتہ اتنا معلوم ہوا ہے کہ مذکورہ ایپ پر فاریکس ٹریڈنگ کے ذریعہ پیسے کمائے جاتے ہیں، اور فاریکس ٹریڈنگ کا شرعی حکم یہ ہے کہ فاریکس ٹریڈنگ کا کاروبار کرنا اور اس سے نفع کمانا شرعا ناجائز ہے، فاریکس ٹریڈنگ کے ناجائز ہونے کی وجوہات تفصیل سے جاننے کے لیے درج ذیل لنک پر جامعہ کا فتویٰ ملاحظہ کیجیے:
اگر مذکورہ ’’اکٹا فکس‘‘ (octaFX) نامی ایپ میں فاریکس ٹریڈنگ کے علاوہ بھی سرمایہ کاری کا کوئی طریقہ ہے تو اس کی مکمل تفصیل لکھ کر ارسال کردیں؛ تاکہ اس کا شرعی حکم بتایا جاسکے۔ فقط واللہ اعلم
فتوی نمبر : 144203200556
دارالافتاء : جامعہ علوم اسلامیہ علامہ محمد یوسف بنوری ٹاؤن