کیا کسی کی داڑھی کی مزاحیہ تصویر لگانا اس غرض سے کہ اس بات کی طرف توجہ دلائی جائے کہ داڑھی اس طرح پراگندہ حالت میں نہیں رکھنی چاہیے، اس طرح تصویر دکھانا جائز ہے؟
داڑھی کی تصویر اگر اس طور پر ہے کہ پورا چہرہ نظر آرہا ہو تو یہ جاندار کی تصویر ہے جو کہ ناجائز ہے۔ اور اگر تصویر میں پورا چہرہ نہ آرہا ہو بلکہ صرف داڑھی نظر آرہی ہو ، تو اس تصویر کو تو ناجائز نہیں کہہ سکتے، البتہ داڑھی کو صاف ستھرا رکھنے کا اہتمام کرنے اور اس کی دیکھ بھال کے سلسلے میں اس کے فوائد ، اور پراگندہ رکھنے کے نقصانات بتا کر یہ مقصد حاصل ہو سکتا ہے۔ اس طرح تصویر دکھانے سے اجتناب کرنا چاہیے؛ تاکہ دیکھنے والے کے دلوں میں داڑھی کی سنت سے تنفر نہ پیدا ہوجائے، نیز لاشعوری طور پر توہین یا تحقیر کا پہلو نہ آجائے۔ فقط واللہ اعلم
فتوی نمبر : 144110200647
دارالافتاء : جامعہ علوم اسلامیہ علامہ محمد یوسف بنوری ٹاؤن